Fevralın 12-də Milli Azərbaycan Tarixi Muzeyi nəzdində fəaliyyət göstərən “H.Z.Tağıyev klubu”nun növbəti tədbiri keçiriləcək. Tədbirdə geologiya-mineralogiya üzrə fəlsəfə doktoru Səidə Mirizadənin “Путешествие в прошлое” (“Keçmişə səyahət”) kitabının təqdimatı olacaq. Böyük xeyriyyəçi H.Z.Tağıyevin kiçik qızı Sürəyya Abdullayevanın ömür yoluna həsr olunmuş kitabda nadir sənədlər, fotoşəkillər, xatirələr toplanıb. Təqdimat mərasimi saat 14:00-da keçiriləcək.