Hərb işinin inkişaf tarixinin öyrənilməsində hücum silahları ilə yanaşı, müdafiə silahlarının və vasitələrinin də əşyavi mənbə kimi böyük əhəmiyyəti vardır. Döyüş baş geyimi olan dəbilqələr Azərbaycanda qədim dövrlərdən tətbiq edilmişdir. Bunu hazırda AMEA Milli Azərbaycan Tarixi Muzeyinin Arxeologiya fondunda qorunan tunc dəbilqə deməyə əsas verir. Həmin dəbilqə 1965-ci ildə mərhum arxeoloq Fazil Osmanov tərəfindən Ağsu rayonunun Nüydi kəndi yaxınlığındakı nekropolda tapılmışdı. Bu döyüş baş geyimi kifayət qədər etibarlı müdafiə vasitəsi idi. Hündürlüyü 30 sm olan Ağsu dәbilqәsi iki hissәdәn ibаrәt оlmаqlа, tunc lövhədən hаzırlаnmışdır. E.ə. I əsrə aid olan bu Nüydi dəbilqəsinin oxşar nümunəsi 2009-cu ildə Qəbələ rayonunun Tola (Tövlə) kəndində aşkar edilmiş və hazırda Muzeyin Arxeologiya fondunda qorunmaqdadır. Alban döyüşçülərinə məxsus olmuş hər iki dəbilqə Azərbaycanın antik dövr sənətkarlarının metal məmulatı hazırlanması üzrə peşə bacarıqlarının səviyyəsi, eləcə də öz dövrünün hərbi işi haqqında dolğun təsəvvür yaradır.