“Kimsəsizlərə Gənc Kimsə” təşkilatı tərəfindən aztəminatlı ailələrin uşaqları üçün keçirilən “Novruz sevinci” adlı tədbirdə Muzeyin elmi işçisi Sahibə Ələkbərova da iştirak və çıxış edib. O, tədbirin təşkilatçılarına belə xeyirxah əməllərinə görə öz minnətdarlığını bildirib. Muzeydə müxtəlif mövzularda elmi maarifləndirici tədbirlərin təşkili haqqında məlumat verib. Qeyd edib ki, Muzeyin “Gənc muzeyşünaslar və muzeysevərlər klubu”u tərəfindən “Muzeylərimizi tanıyaq və tanıtdıraq” layihəsi həyata keçrilir. Bu layihə çərcivəsində xüsusi qayğıya ehtiyacı olan şəxslərin, uşaq evlərində yaşayanların Muzeyə cəlb edilməsindən, onların Azərbaycan tarixi ilə yaxından tanış olmasına şərait yaradılmasından danışıb. Bu kimi tədbirlərin onların cəmiyyətə inteqrasiyasına dəstək məqsədilə həyata keçirildiyini də qeyd edib. Muzeydə az təminatlı şəxslər üçün xüsusi güzəştlərin nəzərə alındığını bildirərək, tədbirdə iştirak edən ailələri Muzeyə dəvət edib.