AMEA Milli Azərbaycan Tarixi Muzeyinin Sənədli Mənbələr fondunda “Səfa” mədəni-maarif cəmiyyətinin “Səfa” məktəbinin fotoşəkli mühafizə olunur (inv. 1/1). Şəkil 1914-cü ildə məktəbin iki illiyinin qeyd olunması tədbirində çəkilmişdir və məktəbin müəllim - şagird heyəti yer alır. Şəkildə ərəbcə “Elm hər bir müsəlman kişi və qadına fərzdir” sözü yer alır. “Səfa “məktəbi 1912-ci ildə Cəfər Bünyadzadənin rəhbərliyi ilə fəaliyyətə başlamışdı. Cəmiyyətin xəzinədarı Kərbəlayi Əlibala Zərbəliyev öz vəsaiti hesabına bu məktəb binasını tikdirmişdi. Məktəbin müəllimləri arasında Hüseyn Cavid və Seyid Hüseyn də var idi.