Muzeyin Etnoqrafiya fondunda qorunan tarixi əhəmiyyətə malik eksponat – mücrü bərpa olunub. Etnoqrafik inci XIX əsrin sonlarına aid olub, fiqurlu sümükdən inkrustasiyalar və çox zərif hatəm texnologiyasında hazırlanmışdır. Mücrü zamanın təsirindən korlanıb deformasiyaya uğrayıb, üzərindəki inkrustasiyalar qabarıb və bu baxımdan eksponatın bərpaya ehtiyacı olub. Bərpa laboratoriyasının təcrübəli bərpaçı rəssamı İbrahim Hacıyev mücrünü əvvəlki görkəminə qaytararaq eksponata ikinci həyat verib. Bərpaçı çox saylı zədə yerlərini bərpa edərək, deformasiya olunmuş hissələrini düzəldib konservasiya edib.