Milli Azərbaycan Tarixi Muzeyinin Arxeologiya elmi-fond şöbəsinin elmi işçisi Mustafayev Laçın 22-31 iyul 2019-cu il tarixində Qəbələ rayonunun Çuxur Qəbələ kəndində toplama xarakterli ezamiyyətdə olmuşdu. Ezamiyyət zamanı Tövlə kəndindən əldə etdiyi aşağıdakı materialları Milli Azərbaycan Tarixi Muzeyinə təhvil verib: 1. Saxsı vaza (antik dövr, e.ə. IV - b.e. I əsrləri); 2. Vaza tipli saxsı qab (antik dövr, e.ə. IV - b.e. I əsrləri); 3. Gil çıraq (orta əsrlər); 4. Mis sikkələr, 8 ədəd; 5. Gövdəsində yazı olan mis camın yazılı hissəsi (2 fraqment). Materiallar Tövlə kənd sakini Rauf Babayevin köməkliyi ilə toplanaraq muzey əməkdaşı Laçın Mustafayevə təhvil verilmiş, oktyabr ayında muzeyə qəbul edilmişdir.