AMEA Milli Azərbaycan Tarixi Muzeyinin Hədiyyələr və xatirə əşyaları fondunda XX əsrin ən böyük Azərbaycan mütəfəkkirlərindən biri olan Heydər Hüseynovun (1908-1950) "Из истории общественной и философской мысли в Азербайджане XIX века" (“Azərbaycanda XIX əsr ictimai və fəlsəfi fikir tarixindən”. Bakı, 1949, 733 səh., rus dilində.) kitabı qorunur (İnv.№790). H.Hüseynov Azərbaycan fəlsəfi fikir tarixinin ən böyük tədqiqatçılarından biridir. Mütəfəkkirin bu kitabı Azərbaycan fəlsəfə tarixini tədqiq edən ən mühüm əsərlərdən biridir. H.Hüseynov bu kitabında çar Rusiyasının işğalçılıq siyasətini tənqid etdiyinə görə Stalin repressiyasının qurbanı olmuşdur.