AMEA Milli Azərbaycan Tarixi Muzeyinin Təsviri materiallar fondunda Qacarlar sülaləsinin beşinci hökmdarı Müzəffərəddin şah Qacarın (1897-1907) görkəmli Azərbaycan xeyriyyəçisi H.Z.Tağıyevlə birlikdə əks olunduğu fotoşəkil saxlanılır (inv. № 498; fotoqraf Şahnazarov). Müzəffərəddin şah Avropa səfərindən qayıdarkən, 1902-ci ildə Bakıda H.Z.Tağıyevlə görüşmüşdür. Müzəffərəddin şahın dövründə xalqın məşrutə tələbi qəbul edilmiş, 1906-cı ildə İranda ilk parlament açılmış, ilk konstitusiya qəbul edilmişdir. Muzeydə qorunan bu fotoşəkil H.Z.Tağıyevin Qacarlarla əlaqəsi və Qacar tarixinin tədqiqi baxımından əhəmiyyətlidir. © Bütün hüquqlar qorunur. Xəbərlərdən istifadə edərkən www. http://azhistorymuseum.gov.az/ saytına istinad mütləqdir.