Milli Azərbaycan Tarixi Muzeyinin 100 illiyi ilə əlaqədar silsilə tədbirlərə hazırlıq məqsədi üçün Muzey bir çox təşkilat və idarələrlə daha sıx qarşılıqlı əməkdaşlıq əlaqələrini qurmaqda davam edir. Muzeyin Elmi-kütləvi iş və təhsil şöbəsinin elmi işçisi Ləman Musayeva Azərbaycan Milli Kulinariya Mərkəzinin baş direktoru Tahir Əmiraslanovla görüşüb, gələcək qarşılıqlı əməkdaşlıq məsələlərini müzakirə ediblər. Sonda Muzeyin nəfis tərtibatlı nəşrləri T.Əmiraslanova hədiyyə edilib. T.Əmiraslanov da özünün “Azərbaycan mətbəxində dolmalar. 381 çeşid” (Bakı, 2019); “Azərbaycan mətbəxi. Qacarlar dövrünün bərpa edilmiş xörəkləri” (Bakı, 2018) və “5x12=?” (Bakı, 2018) kitablarını Muzeyə bağışlayıb.