Milli Azərbaycan Tarixi Muzeyinin “H.Z.Tağıyev klubu”nda Sabunçu rayonu 22 saylı tam orta məktəbin ibtidai sinif şagirdlərinə mühazirə-ekskursiya təşkil edilib. Muzeyin elmi-kütləvi iş və təhsil şöbəsinin elmi işçisi Ləman Musayeva 50 nəfərdən artıq şagird, müəllim və valideyn kollektivini salamladıqdan sonra "El atası" H.Z.Tağıyev haqqında məktəblilərə geniş məlumat verib. Sual-cavab şəraitində keçən tədbir məktəblilərin hərtərfli bilik əldə etməsinə şərait yaratdı. Uşaqlar H.Z.Tağıyevin ev-muzeyinə ekskursiya etdikdən sonra təəssüratlarını bölüşdülər. Ən fəal şagirdə H.Z.Tağıyevin qızı Sara xanımın 120 illiyinə həsr olunmuş tədbir diski hədiyyə edildi. Həmçinin müəllim və valideynlərə muzeyin bələdçi bukleti bağışlanıldı.