Qeyd edək ki, bu günlərdə Milli Azərbaycan Tarixi Muzeyinin direktoru, akademik Nailə Vəlixanlı MDB-nin Dövlətlərarası Humanitar Əməkdaşlıq Fondu tərəfindən 2019-cu il üçün “Birliyin ulduzları” mükafatının laureatı adına layiq görülüb. Təşkilatın “Форум плюс” toplusu (Москва: 2020, №4) tərəfindən bu mövzuda Firəngiz Xancanbəyova tərəfindən yazı nəşr edilib. Burada «ЛАУРЕАТЫ ПРЕМИИ «ЗВЕЗДЫ СОДРУЖЕСТВА»: «Ученому важно, чтобы в его работах нуждались» başlıqlı yazıda Nailə xanımla müsahibə təqdim edilib (s.38-41). Müsahibədə Nailə xanım muzey, onun ekspozisiyası, fondları barədə məlumat vermiş, dünya muzeyləri ilə əlaqəsindən danışmışdır. Həmçinin Muzeyin 100 illik yubileyinə olan hazırlıqlardan bəhs etmiş, özünün şərqşünaslıq və muzeyşünaslıq sahəsindəki elmi yaradıcılığı barədə də məlumat vermişdir.