Milli Azərbaycan Tarixi Muzeyinin Sənədli mənbələr fondunda Şuşa şəhərinin ümumi görünüşünü əks etdirən, XX əsrin əvvəlinə aid fotoşəkil saxlanılır (SMF. № 71/31). Azərbaycanın Qarabağ bölgəsinin dilbər guşəsi olan Şuşa özünəməxsus arxitekturası ilə fərqlənir. Azərbaycanın alınmaz qalası, mədəniyyət məbədi olan bu qədim şəhər özü boyda tarixi abidədir. Qeyd edək ki, Şuşa 1992-ci il mayın 8-də erməni silahlı birliklərinin hücumları nəticəsində işğal edilmiş, şəhərin bir sıra mədəniyyət və tarixi abidələri məhv edilmişdir.