XƏBƏRLƏR
Geri
XƏBƏRLƏR -
Çap et
19 Fevral, 2020
Muzeydə "Hacı Zeynalabdin Tağıyev uşaqlar üçün" adlı kitabın təqdimatı olub

Milli Azərbaycan Tarixi Muzeyində tanınmış Azərbaycan aktyoru, Azərbaycanın əməkdar artisti Bəhram Bağırzadənin müəllifi olduğu "Hacı Zeynalabdin Tağıyev uşaqlar üçün" kitabının (Bakı: Şərq-Qərb, 2020, 28 s.) təqdimatı keçirilib. Azərbaycanın görkəmli xeyriyyəçisi, “El atası” kimi tanınan H.Z.Tağıyevə həsr edilmiş kitab yeni nəşr olunub. Bəhram Bağırzadənin bu kitabı satışa çıxarılmayıb və müəllif bu əsərini uşaqlara hədiyyə edəcəyini vəd edib. "Sizi, Azərbaycanın böyük övladlarından biri olan H.Z.Tağıyevə böyük sevgi və hörmətlə yaradılan bir kitab gözləyir. H.Z.Tağıyevin həyatı və taleyi vətənə və xalqa xidmətin ən yaxşı nümunəsidir" deyən müəllif bu kitabını muzeydə onunla görüşə gələnlərə hədiyyə edib. Təqdimat mərasimində muzeyin elmi katibi, dos. Fərhad Cabbarov da çıxış edib. Onun da məsləhətçilərindən biri olduğu kitabda müxtəlif saytlardan götürülmüş müsahibələrdən, məqalələrdən, elmi işlərdən, kitab və materiallardan istifadə olunub.

“20 Yanvar – qürur və qəhrəmanlıq tariximiz” adlı tədbir keçirildi

AMEA Milli Azərbaycan Tarixi Muzeyində 20 yanvar faciəsinə həsr olunmuş “20 Yanvar – qürur və qəhrəmanlıq tariximiz” adlı onlayn formatda tədbir keçirildi

 
"Elmi macəralar saatı" adlı layihəmizə start verildi

Layihənin məqsədi uşaq və yeniyetmələrin mədəni asudə vaxtının səmərəli təşkilində muzeylərin geniş fəaliyyət ənənələrinin, tarixi təcrübəsinin önəmini göstərməkdir. Uşaqları fəal yaradıcılığa, tədqiqat işinə, axtarışlara yönəltməkdir.
Muzeyin əməkdaşı «Mənim Qarabağım» layihəsi çərçivəsində mühazirə ilə çıxış edib

Dekabrın 12-də Milli Azərbaycan Tarixi Muzeyinin elmi katibi, t.ü.f.d., dos. Fərhad Cabbarov ADA Universitetinin tələbələri və müəllimləri qarşısında mühazirə ilə çıxış edib.
Muzeydə “Dörd ünsürdən biri – od çərşənbəsi” adlı musiqili-əyləncəli tədbir keçirilib

AMEA Milli Azərbaycan Tarixi Muzeyində “Dörd ünsürdən biri – od çərşənbəsi” adlı musiqili-əyləncəli bayram tədbiri keçirilib. 
“H.Z.Tağıyev klubu”nda mühazirə-ekskursiya keçirilib

Milli Azərbaycan Tarixi Muzeyinin “H.Z.Tağıyev klubu”nda Sabunçu rayonu 22 saylı tam orta məktəbin ibtidai sinif şagirdlərinə mühazirə-ekskursiya təşkil edilib.
Muzeydə Xocalı soyqırımının 28-ci ildönümünə həsr olunmuş “Cəzasız cinayət” adlı tədbir keçirilib

AMEA Milli Azərbaycan Tarixi Muzeyində Xocalı soyqırımının 28-ci ildönümünə həsr olunmuş “Cəzasız cinayət” adlı tədbir təşkil olunub.
Muzeydə Xocalı soyqırımının 28-ci ildönümünə həsr olunmuş “Səslə bizi Xocalı! Cavanı, həm qocanı” adlı tədbir keçirilib

AMEA Milli Azərbaycan Tarixi Muzeyində Xocalı soyqırımının 28-ci ildönümünə həsr olunmuş “Səslə bizi Xocalı! Cavanı, həm qocanı” adlı tədbir təşkil olunub.
Muzeyin “Arxeo” klubunun tədbiri keçirilib

AMEA Milli Azərbaycan Tarixi Muzeyinin “Arxeo” klubunun üzvləri 2020-ci ildə “Vətənpərvər olaq!” mövzusunda hesabat xarakterli ilk tədbirini keçirib.