XƏBƏRLƏR
Geri
XƏBƏRLƏR -
Çap et
21 Fevral, 2020
Muzeydə Xocalı soyqırımının 28-ci ildönümünə həsr olunmuş “Cəzasız cinayət” adlı tədbir keçirilib
AMEA Milli Azərbaycan Tarixi Muzeyində Xocalı soyqırımının 28-ci ildönümünə həsr olunmuş “Cəzasız cinayət” adlı tədbir təşkil olunub. Tədbirdə Muzeyin Elmi-kütləvi iş və təhsil şöbəsinin müdiri Fəridə Şəmsi, Xocalı Rayon İcra Hakimiyyəti, ictimai -siyasi və humanitar şöbənin baş məsləhətçisi Xəlil Vəliyev, BDU-nun müəllimi, İtaliyanın Beynəlxalq İqtisadi və Siyası Araşdırmalar İnstitutunun üzvü Leyla Rəşid, Azərbaycan Respublikası Təhsil Nazirliyi Gənclərin Respublika Bədii Yaradıcılıq Evinin İnnovasiya üzrə direktor müavini Sevinc Ədilhəsənova çıxış ediblər.
Tədbirin bədii hissəsində AR Təhsil Nazirliyi Gənclərin Respublika Bədii Yaradıcılıq Evinin iştirakı ilə ədəbi-bədii kompozisiya nümayiş olunub.
Tədbirdə Bakı Dövlət Universitetinin, “Azərbaycan Televiziya və Radio verişləri” QSC-nin dəstəyi ilə lentə alınan “Cəzasız cinayət” adlı film də nümayiş edilib. Filmin senari müəllifi, rejissoru və prodüsseri BDU-nun müəllimi, İtaliyanın Beynəlxalq İqtisadi və Siyası Araşdırmalar İnstitutunun üzvü Leyla Rəşiddir. Filmdə Azərbaycan Respublikası Hərbi Prokurorluğunun Xocalı Cinayət işi üzrə İstintaq Qrupunun materiallarından, Almaniya Xarici İşlər Nazirliyinin Siyası Arxivinin, Türkiyənin Başbakanlık (Baş Nazirlik) Osmanlı Arxivi, Hərbi Tarix və Strateji Araşdırmalar İdarəsi Arxivinin sənədlərindən, xarici ölkələrin mətbuatından istifadə olunub.
Tədbirin sonunda Leyla Rəşid tərəfindən “Cəzasız cinayət” adlı filmin bir nüsxəsi və Meyxoş Abdullahın müəllifi olduğu “Пленница (Əsir qadın)” romanı (Bakı, 2020, 212 s., rus dilində, red: L.Qədirzadə, tərc: T.Məmməd) Muzeyə hədiyyə edilib.
Tədbirdə Muzey əməkdaşları, KİV və ictimaiyyət nümayəndələri, Azərbaycan Dövlət Pedaqoji Universitetinin, Azərbaycan Dövlət Rəssamlıq Akademiyasının, Azərbaycan Dövlət Dənizçilik Akademiyasının tələbələri iştirak ediblər.
“20 Yanvar – qürur və qəhrəmanlıq tariximiz” adlı tədbir keçirildi

AMEA Milli Azərbaycan Tarixi Muzeyində 20 yanvar faciəsinə həsr olunmuş “20 Yanvar – qürur və qəhrəmanlıq tariximiz” adlı onlayn formatda tədbir keçirildi

 
"Elmi macəralar saatı" adlı layihəmizə start verildi

Layihənin məqsədi uşaq və yeniyetmələrin mədəni asudə vaxtının səmərəli təşkilində muzeylərin geniş fəaliyyət ənənələrinin, tarixi təcrübəsinin önəmini göstərməkdir. Uşaqları fəal yaradıcılığa, tədqiqat işinə, axtarışlara yönəltməkdir.
Muzeyin əməkdaşı «Mənim Qarabağım» layihəsi çərçivəsində mühazirə ilə çıxış edib

Dekabrın 12-də Milli Azərbaycan Tarixi Muzeyinin elmi katibi, t.ü.f.d., dos. Fərhad Cabbarov ADA Universitetinin tələbələri və müəllimləri qarşısında mühazirə ilə çıxış edib.
Muzeydə “Dörd ünsürdən biri – od çərşənbəsi” adlı musiqili-əyləncəli tədbir keçirilib

AMEA Milli Azərbaycan Tarixi Muzeyində “Dörd ünsürdən biri – od çərşənbəsi” adlı musiqili-əyləncəli bayram tədbiri keçirilib. 
“H.Z.Tağıyev klubu”nda mühazirə-ekskursiya keçirilib

Milli Azərbaycan Tarixi Muzeyinin “H.Z.Tağıyev klubu”nda Sabunçu rayonu 22 saylı tam orta məktəbin ibtidai sinif şagirdlərinə mühazirə-ekskursiya təşkil edilib.
Muzeydə Xocalı soyqırımının 28-ci ildönümünə həsr olunmuş “Səslə bizi Xocalı! Cavanı, həm qocanı” adlı tədbir keçirilib

AMEA Milli Azərbaycan Tarixi Muzeyində Xocalı soyqırımının 28-ci ildönümünə həsr olunmuş “Səslə bizi Xocalı! Cavanı, həm qocanı” adlı tədbir təşkil olunub.
Muzeydə "Hacı Zeynalabdin Tağıyev uşaqlar üçün" adlı kitabın təqdimatı olub

Milli Azərbaycan Tarixi Muzeyində tanınmış Azərbaycan aktyoru, Azərbaycanın əməkdar artisti Bəhram Bağırzadənin müəllifi olduğu "Hacı Zeynalabdin Tağıyev uşaqlar üçün" kitabının (Bakı: Şərq-Qərb, 2020, 28 s.) təqdimatı keçirilib.
Muzeyin “Arxeo” klubunun tədbiri keçirilib

AMEA Milli Azərbaycan Tarixi Muzeyinin “Arxeo” klubunun üzvləri 2020-ci ildə “Vətənpərvər olaq!” mövzusunda hesabat xarakterli ilk tədbirini keçirib.