XƏBƏRLƏR
XƏBƏRLƏR -
Xəbər arxivi
20 May, 2013
Akademik N.Vəlixanlı Nəriman Nərimanovun xatirə muzeyində yeni ekspozisiyanın təqdimatında çıxış etmişdir

Nəriman Nərimanovun xatirə muzeyiMayın 18-də Beynəlxalq Muzeylər Günü münasibətilə Nəriman Nərimanovun xatirə muzeyində yeni ekspozisiyanın təqdimat mərasimi keçirilmişdir.


Mərasimdə mədəniyyət və turizm naziri Əbülfəs Qarayev çıxış edərək Nəriman Nərimanov haqqında ziddiyyətli fikirlərin olduğunu bildirmişdir. Diqqətə çatdırmışdır ki, mürəkkəb tarixi dövrdə yaşamış bu görkəmli dövlət xadimi daim ölkəmizin xoşbəxt gələcəyini düşünmüş, xalqımız üçün çalışmışdır. Məhz bu səbəbdən görkəmli ictimai-siyasi xadim və dövlət adamı Nəriman Nərimanov şəxsiyyətinə həmişə hörmətlə yanaşılmalıdır. Tədbirdə Milli Azərbaycan Tarixi Muzeyinin direktoru, akademik Nailə Vəlixanlı, muzeyin direktoru Kamilə Hüseynova çıxış edərək təqdimatı keçirilən ekspozisiyanı yüksək qiymətləndirmişdir. Bildirilmişdir ki, ekspozisiyada böyük şəxsiyyət Nəriman Nərimanovun həyat və fəaliyyətinin bütün dövrləri əhatə olunmuş, ictimai-siyasi və dövlətçilik fəaliyyətinin işıqlandırılmasına xüsusi diqqət yetirilmişdir. Qeyd edilmişdir ki, bu vaxtadək heç yerdə nümayiş etdirilməyən, məxfi saxlanılan ən yeni materiallardan-sənədlər, fotoşəkillər və qəzet materiallarından istifadə olunmuşdur. Ekspozisiyanın ən uğurlu tərəfi isə görkəmli dövlət xadiminin milli ruhlu siyasi xadim kimi tarixdəki rolunun şəffaf şəkildə təqdim olunmasıdır. Çıxışlarda vurğulanmışdır ki, Nəriman Nərimanovun adının əbədiləşdirilməsində ulu öndər Heydər Əliyevin misilsiz əməyi olmuşdur. Bakının mərkəzində Nəriman Nərimanovun abidəsinin ucaldılması, onun adını daşıyan xatirə muzeyinin yaradılması və yeni ekspozisiyalarla zənginləşdirilməsi bunun bariz nümunəsidir.