XƏBƏRLƏR
17 Yanvar, 2014
Bakının qədim tarixi rəmzi sayılan Qız qalası yenidən qapılarını ziyarətçilərin üzünə açmışdır
Milli memarlığımızın nadir nümunəsi, UNESCO-nun Dünya İrs Siyahısına daxil edilən Qız qalası konservasiya işləri və yeni muzey ekspozisiyasının yaradılmasından sonra qapılarını ziyarətçilərin üzünə açmışdır. AzərTAc xəbər verir ki, Qız qalasının muzey konservasiyası 2009-cu ildə Nazirlər Kabinetinin təsdiq etdiyi plana uyğun olaraq görülmüşdür. Bərpa ilə paralel olaraq abidədə tədqiqat işləri də aparılmışdır. Araşdırmalara beynəlxalq ekspertlər cəlb olunmuş, qalada maraqlı faktlar üzə çıxmışdır.
Bundan əlavə, qalanın fasadında taxta elementləri aşkar olunmuşdur. İlkin ehtimallara görə, bu, Qız qalasının indiyədək məlum olmayan giriş hissəsidir. Konservasiyadan sonra muzey ekspozisiyası da yenidən qurulmuşdur. Artıq qapılarını yerli və xarici qonaqların üzünə açan Qız qalasında ziyarətçilər ən müasir, yeni texnologiyalardan istifadə edə biləcəklər. Ekspozisiya həm əcnəbilərin, həm də yerli sakinlərin marağına səbəb olmuşdur. Ziyarətçilər mərtəbələrdə quraşdırılan monitorlar vasitəsilə ingilis və Azərbaycan dilində məlumat əldə edə bilirlər. Bununla yanaşı, xəritədə əksini tapan hansı maketin üzərində qırmızı işıq yanırsa, həmin abidə haqqında məlumat əldə etmək mümkün olur. Ekspozisiyanın növbəti bölməsində Qız qalasının müdafiə obyekti rolunu oynaması ilə bağlı fərziyyə və elmi araşdırmalardan bəhs edilir. Qalanın 6-cı və 7-ci mərtəbələri xüsusi özəlliyi ilə fərqlənir. Bu mərtəbələrdə müdafiə istehkamları və Azərbaycan milli kinolarına aid görüntülər öz əksini tapır. Rəvayətlərə görə, qala qədimdə rəsədxana rolunu oynamışdır. Bərpa işləri zamanı bu nüans da nəzərə alınmışdır. Ümumilikdə, bu maddi mədəniyyət abidəsində həyata keçirilən konservasiya işləri və yeni yaradılan muzey ekspozisiyası zəngin təəssürat və xoş ovqat yaradır, insanı Qız qalasının doğurduğu heyranlığın mahiyyətinə daha dərindən varmağa yönəldir.
I Qarabağ müharibəsi şəhidinin materialları Muzeyə verilib
I Qarabağ müharibəsində şəhid olmuş Malik Kərəm oğlu Səlimli 1973-cü il mart ayının 6-da Şamaxı rayonunun Nərimankənd kəndində (indiki Qobustan şəhəri) anadan olmuşdur.
Muzey əməkdaşı Beynəlxalq Təhsil Kompleksi IB-nın şagirdlərinə mühazirə deyib
Milli Azərbaycan Tarixi Muzeyinin əməkdaşı Qənirə Qafarlı Bakı Beynəlxalq Təhsil Kompleksi IB-nın 4-cü sinif şagirdlərinə mühazirə deyib. Mühazirə Bak...
Muzeyə Qarabağ şəhidinin materialları daxil olub
II Qarabağ müharibəsinin şəhidi Əzizli Tacəddin Şahəddin oğlu 1994-cü il 7 avqust tarixində Salyan rayonunda anadan olub. İsfəndiyar Həsənov adına Sar...
Muzey əməkdaşı beynəlxalq gənclər konfransında iştirak edib
MATM-nin əməkdaşı Şəfa Mövsümov Pakistanın İslamabad Münaqişə Həlli İnstitutunun (İslamabad İnstitute of Conflict Resolution) təşkilatçılığı ilə keç...
Muzeydə Lütfi Zadə irsi təbliğ edilir
Bu gün dünya şöhrətli alim, qeyri-səlis məntiq nəzəriyyəsinin banisi, AMEA-nın fəxri üzvü, professor Lütfi Zadənin 100 illiyi tamam olur. Yanvarın 25-...
Hörmətli izləyicilər!
Ali Baş Komandan, Azərbaycan Respublikasının Prezidenti cənab İlham Əliyevin rəhbərliyi ilə qüdrətli ordumuzun qazandığı şanlı qələbə qəhrəman şəhid...
Fevralın 2-də AMEA Yüksək Texnologiyalar Parkında (YT Park) “İnkubator və Texnologiya Transferi Mərkəzi”nin təqdimatına həsr olunmuş tədbir keçirilib
Tədbirdə AMEA Milli Azərbaycan Tarixi Muzeyinin Beynəlxalq əlaqələr şöbəsinin müdiri Emin Dadaşov “Müasir muzeylərdə yüksək texnologiyaların tətbiqi (...
Hörmətli izləyicilər! Sizə Milli Azərbaycan Tarixi Muzeyinin Baş mütəxəssisi Aynur Babayevanın hazırladığı “Qarabağın general qubernatoru – Xosrov bəy Sultanov” adlı məqaləni təqdim edirik.
AXC-nin qurulması Qarabağın tarixində də mühüm hadisə olmuşdur. 1918-ci ilin mayında Şimali Azərbaycan özünün dövlət müstəqilliyini elan etdikdən sonr...