Muzey əməkdaşı Əli Fərhadov Türkiyənin Aydın şəhərində keçirilən "2021 Yunus Emre və türkcə ili ərməğanı” adlı XV Beynəlxalq simpoziumunda iştirak edib. Simpozium türk mədəniyyəti, sənəti və mədəni mirası qoruma mövzularında onlayn baş tutub. Simpoziumun təşkilatçılarından biri də Milli Azərbaycan Tarixi Muzeyidir. Tədqiqatçı Əli Fərhadov konfransda “XIX – XX əsrin əvvəllərində Azərbaycanda dini durum: Tahirə və Əbdülbəha nümunəsi" adlı məruzə ilə çıxış edib. Qeyd olunan dövrdə İranda və Azərbaycanda babilik, bəhailik, qəzvinli babi şairə Tahirə xanım və bəhai icmasının iranlı lideri Əbdülbəhanın həyat və yaradıcılığı, türkcə əsərləri haqqında məlumat verib. Simpoziumun materialları nəşr ediləcək.