XƏBƏRLƏR
06 May, 2021
Arvana kurqanının artefaktları Muzeyin arxeoloji kolleksiyasına təhvil verilib
Hər il arxeoloqlarımızın fədakar əməyi nəticəsində Azərbaycanın ulu tarixini və zəngin mədəniyyətini özündə əks etdirən neçə-neçə abidə, o cümlədən maddi mədəniyyət nümunəsi aşkar edilərək ikinci həyat qazanırlar. Sevindirici haldır ki, arxeoloqlarımız öz ənənələrinə sadiq qalaraq gərgin araşdırmalardan sonra tapdıqları maddi nümunələrin elmi və bədii baxımdan əhəmiyyətli hissələrini AMEA Milli Azərbaycan Tarixi Muzeyinə təhvil verirlər.
Bu günlərdə Muzeyin Arxeologiya fonduna daimi mühafizə üçün təhvil verilmiş maddi nümunələr arasında Arvana kurqanının artefaktları da yer alır.
Həmin artefaktlar AMEA Arxeologiya və Etnoqrafiya İnstitutunun “Yardımlı arxeoloji ekspedisiyası”nın rəisi, t.ü.f.d., dosent Anar Ağalarzadənin rəhbərliyi altında 2019-cu ildə Yardımlı rayonu ərazisindəki Tunc-İlk Dəmir dövrü abidələrində, daha dəqiq desək, rayonun Arvana kəndi ərazisində qeydə alınmış kurqanda apardığı arxeoloji tədqiqat işləri zamanı tapılıb. Arvana kurqanı eyniadlı kənddən 200 m cənubda, el arasında “Qaryatan” adlanan yerdədir.
Muzeyə təhvil verilmiş Arvana kurqanının artefaktları müxtəlif formalı 8 ədəd saxsı qabdan, tunc rapiraşəkilli qılıncdan, tunc xəncərdən, pasta və sümük muncuqlardan ibarətdir. Müqayisəli təhlillərə əsasən bu tapıntılar e.ə. I minilliyin əvvəllərinə aid edilir.
Muzey mütəxəssisləri bu tapıntıların elmi əhəmiyyətini nəzərə alaraq onların tunc dövrü ekspozisiyasında nümayiş etdirilməsini məqsədəuyğun hesab ediblər.
Muzeyin əməkdaşı Seyid Əzim Şirvaninin 190 illik yubileyinə həsr olunmuş seminarda çıxış edib
Milli Azərbaycan Tarixi Muzeyinin Azərbaycan tarixinin elmi tədqiqi və təqdimi şöbəsinin təşkilatçılığı ilə Azərbaycan İlahiyyat İnstitutu yanında Bak...
Muzeyin əməkdaşları “Müasir incəsənətin təşviqində korporotiv incəsənət kolleksiyaların rolu” adlı təlimdə iştirak ediblər
“Azərxalça” Açıq Səhmdar Cəmiyyəti, ICOM Azərbaycan Milli Komitəsinin və İçərişəhər Dövlət Tarix-Memarlıq Qoruğu İdarəsinin birgə təşkilatçılığı ilə i...
Muzeydə “Azərbaycan dövlətçilik tarixində Ulu Öndər Heydər Əliyevin rolu və yeri” adlı tədbir keçirilib
Milli Azərbycan Tarixi Muzeyində Yeni Azərbaycan Partiyası Səbail rayon təşkilatının təşəbbüsü ilə “Azərbaycan dövlətçilik tarixində Ulu Öndər Heydər ...
Muzeyin 105 illiyi ilə əlaqədar növbəti seminar keçirilib
Milli Azərbaycan Tarixi Muzeyində Muzeyin 105 illiyi ilə əlaqədar İnnovasiyalar və təhsil proqramları şöbəsinin baş mütəxəssisi Qənirə Qafarlı tərəfin...
Aprel döyüşlərinə aid eksponatları təqdim edirik
2016-cı il aprelin 2-dən 5-dək Azərbaycan Ordusu Ermənistan silahlı qüvvələrinin təxribatlarına qarşı genişmiqyaslı hərbi əməliyyatlar həyata keçirdi....
Muzeyin 105 illiyi ilə əlaqədar muzeydənkənar seminar keçirilib
Milli Azərbaycan Tarixi Muzeyinin 105 illiyi ilə əlaqədar muzeyin İnnovasiyalar və təhsil proqramları şöbəsinin kiçik elmi işçisi İlahə Sarıyeva tərəf...
Bu gün Azərbaycanın Milli Qəhrəmanı, şəhid Şükür Həmidovun doğum günüdür
Bu gün Azərbaycan Silahlı Qüvvələrinin 2-ci Ordu Korpusunun Komandir müavini, şəhid Şükür Həmidovun doğum günüdür. Şükür Həmidov 1975-ci il aprelin 1-...
Novruz Bayramınız Mübarək!
Milli Azərbaycan Tarixi Muzeyi Azərbaycan xalqını Novruz Bayramı münasibətilə təbrik edir, hər birinizə bahar əhvali-ruhiyyəsi, cansağlığı və gələcək ...