18 may - Beynəlxalq Muzeylər Günü münasibətilə Milli Azərbaycan Tarixi Muzeyinin direktor müavini, t.e.d. Nərgiz Əliyeva və muzeyin əməkdaşı Ləman Musayeva muzey kollektivi adından, təqaüddə olan qocaman muzey işçisi, dəyərli alim Zərifə xanım Dulayevanı evində ziyarət edərək, peşə bayramını təbrik edib səhhəti ilə yaxından maraqlanıblar.

Eyd edək ki, ömrünü, əməyini, istedad və köməyini muzeyə həsr etmiş Zərifə xanım muzey əməkdaşlarının yaddaşında canlı muzey fədaisi, işini dərindən bilən və sevən muzey aşiqi, gözəl alim və kübar insan kimi həkk olunub. Zərifə xanımın simasında bütün muzey fədailərini 18 may - Beynəlxalq Muzeylər Günü münasibətilə təbrik edirik!