Muzeyin Foto-neqativ fondunda II Dünya müharibəsi illərinə dair hərbi hissələrin Xəzər dənizi yolu ilə cəbhəyə daşınmasını əks etdirən fotoneqativ saxlanılır (İnv. 14460; alınma tarixi: 1975-ci il).
Qeyd edək ki, 1941-ci il iyunun 22-də faşist Almaniyası Sovet İttifaqına hücum etdi. Bununla da sovet xalqları, o cümlədən Azərbaycan SSR II Dünya müharibəsinə qatıldı. 1941-1945-ci illərdə müharibədə 600 mindən çox azərbaycanlı iştirak etdi. Müharibənin ən ağır illərində azərbaycanlı əsgər və zabitlər Ukrayna, Belorusiya, Pribaltika respublikaları uğrunda döyüşlərdə cəsarətlə vuruşmuş, işğal edilmiş yaşayış məntəqələrinin azad edilməsində, Berlinin alınmasında fəal iştirak etmişdilər. Azərbaycan SSR ərazisində 87 batalyon, 1123 özünümüdafiə, 5 piyada dəstələri yaradılmışdır. Qızıl Ordunun 8 diviziyasının çox hissəsini azərbaycanlılar təşkil edirdi.
II Dünya müharibəsi zamanı göstərdiyi qəhrəmanlıq və şücaətə görə Azərbaycandan 128 nəfər Sovet İttifaqı Qəhrəmanı adını almışdır.
Muzeydə qorunan bu fotoneqativ Azərbaycan xalqının II Dünya müharibəsi dövründəki fəaliyyətini əks etdirmək baxımından əhəmiyyətlidir.
18 sentyabr Azərbaycan musiqi mədəniyyəti tarixində əlamətdar günlərdən biridir. 1885-ci ilin bu günü Azərbaycan professional musiqisinin inkişafında mühüm xidmətləri olan iki görkəmli bəstəkar — Üzeyir Əbdülhüseyn oğlu Hacıbəyli və Müslüm Məhəmməd oğlu Maqomayev dünyaya gəlmişdir. Onların zəngin yaradıcılıq irsi və çoxşaxəli fəaliyyəti milli musiqi mədəniyyətinin inkişafında mühüm yer tutur.
Şəhid baş gizir Yasən Əhmədovun xatirəsi Milli Azərbaycan Tarixi Muzeyində də yaşadılır.