Müsabiqənin təşkilində əsas məqsəd gənclərə vətənpərvərlik ruhunun yüksəldilməsi, həmrəylik və qəhrəmanlıq kimi ülvi hisslərin aşılanması, vətənimizin suverenliyi uğrunda Azərbaycan əsgərinin döyüş rəşadəti və şəhidlərimizin xatirəsinin yad edilməsidir.
Müsabiqənin şərtləri:
- Müsabiqə 44 günlük Vətən müharibəsinə həsr olunur, təqdim olan rəsm əsərləri Vətən müharibəsini, Qarabağ döyüşlərini əks etdirməlidir.
- Hər bir müəllif müsabiqəyə yalnız bir əsər təqdim edə bilər.
- Əsərlər orijinal və əvvəl heç yerdə çap olunmamalıdır.
- Müsabiqədə 10-18 yaş arası uşaq və gənclər iştirak edə bilərlər.
Müsabiqədə iştirak etmək istəyənlər öz rəsm əsərlərini və özü haqqında məlumatı, əlaqə vasitəsini (telefon nömrəsi və e-mail) Milli Azərbaycan Tarixi Muzeyinin İnnovasiyalar və təhsil proqramları şöbəsinə 2021-ci il noyabrın 1-dək təqdim etməlidirlər.
Müsabiqə iştirakçıları sertifikatla təltif olunacaq, Münsiflər heyəti tərəfindən müəyyən edilmiş 3 əsas qaliblərə fəxri diplom və mükafat təqdim olunacaq.
Ünvan: Milli Azərbaycan Tarixi Muzeyi, Hacı Zeynalabdin Tağıyev küç. 4,
Əlaqə nömrələri: 012-493-11-34; 055-665-52-57; 055734-76-64