AMEA Z.M.Bünyadov adına Şərqşünaslıq İnstitutu tərəfindən “Nizami Gəncəvi və Şərq ədəbiyyatları: ədəbi təsirin hüdudları” mövzusunda Beynəlxalq Elmi Konfrans keçirilib. Muzeyin Azərbaycan tarixinin elmi tədqiqi və təqdimi şöbəsinin əməkdaşı, t.ü.f.d. Əli Fərhadov konfransda "Nizami yaradıcılığında multikultural, dini dəyərlərə baxış və təsirləri" adlı məruzə ilə çıxış edib. Muzey əməkdaşı Nizaminin əsərlərində humanizm, mütərəqqi dini-təsəvvüfi dəyərlər, xalqlar dostluğu, islam həmrəyliyi və s. mövzular haqqında məlumat verib. Əl-Bakuvi, M. Füzuli, M.M.Axundov, M.Ə.Rəsulzadə və s. mütəfəkkirlərin Nizami yaradıcılığına münasibətindən bəhs edib. Məruzə maraqla qarşılanıb.

Konfrans materialları nəşr ediləcək.