18-19 noyabr 2021-ci il saat 14.00-da Milli Azərbaycan Tarixi Muzeyində Zəfər gününə həsr olunmuş “Könlüm keçir Qarabağdan” adlı I Respublika rəsm sərgi-müsabiqəsi keçiriləcək.
Sərgidə 44 günlük Vətən müharibəsini əks etdirən 8-17 yaşlı istedadlı iştirakçıların 80-ə yaxın rəsm əsəri nümayiş olunacaq. Kiçik və böyük yaş qruplarına bölünən iştirakçılar üzrə 3 nominasiyada qaliblər müəyyənləşəcəq.
Qeyd edək ki, müsabiqə-sərgisinin məqsədi böyüməkdə olan gənc nəsildə vətənə, torpağa məhəbbət hissinin artırılması və hərbi-vətənpərvərlik ruhunun təbliği, uşaq və gənclərin yaradıcılıq qabiliyyətlərinin inkişaf etdirilməsi və asudə vaxtlarının səmərəli təşkili, istedadlı uşaq və gənclərin aşkar edilməsi, həmçinin Vətən müharibəsində şəhid olan qəhrəmanlarımızın əziz xatirəsinin ehtiramla yad edilməsindən ibarətdir.