Bu gün Azərbaycan Silahlı Qüvvələrinin əsgəri, Vətən müharibəsinin şəhidi Murad Kəlbiyevin doğum günündən 26 il ötür. M.Kəlbiyev 1996-cı il yanvarın 11-də Qusar rayonunun Cibir kəndində anadan olub.

Murad Kəlbiyev 2020-ci il sentyabrın 27-də Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayıl və Füzulinin azad olunması əməliyyatlarında fəal iştirak edib, oktyabrın 5-də qəhrəmancasına şəhid olub. Qusar rayonunda dəfn olunub. Hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamına əsasən Murad Kəlbiyev ölümündən sonra “Vətən uğrunda” medalı və “Füzulinin azad olunmasına görə” medalı ilə təltif edilib.

Qeyd edək ki, müddətdən artıq həqiqi hərbi xidmət qulluqçusu olmuş şəhid Murad Kəlbiyevin şəxsi əşyası Milli Azərbaycan Tarixi Muzeyinin Vətən müharibəsi fondunda qorunur.

Təltifləri

•   "Vətən uğrunda" medalı (ölümündən sonra)
•   "Füzulinin azad olunmasına görə" medalı (ölümündən sonra)