4 mart 2022-ci il Muzey Mərkəzi Sərgi Qalereyasında gənc rəssam Əfsanə Həbibinin “Favole” adlı sərgisində Milli Azərbaycan Tarixi Muzeyinin Təsviri Materiallar fondunun müdiri, m.ü.f.d., dosent Nardanə Yusifova xüsusi olaraq dəvət olunmuş qonaq qismində iştirak edib.

N.Yusifova çıxışında muzeylərarası əlaqəni vurğulayaraq, Milli Azərbaycan Tarixi Muzeyində də sərgilərin keçirildiyini və  bu sərgilərdə istər təsviri sənət, istərsə də dekorativ-tətbiqi sənət nümunələrinin sərgilənməsi ilə yanaşı həm də onların elmi araşdırılmasının vacibliyini də qeyd etdi. N.Yusifova həmçinin Muzeyin həm əzəmətli, tarixi binasının memarlıq üslubu, həm də zəngin, dəyərli eksponatlarının tədqiqatçılarla bərabər, rəssamların, memarların daima diqqət mərkəzində olduğunu da xüsusi olaraq vurğuladı.

Nardanə Yusifovanın çıxışı tədbir iştirakçıları tərəfindən böyük maraqla qarşılanıb.

Sonda çıxış edən iştirakçılara adı çəkilən sərginin kataloqu təqdim olunub.