Bu gün Azərbaycan Silahlı Qüvvələrinin zabiti (kapitan), Xüsusi Təyinatlı Qüvvələrin Kəşfiyyat Tabor Komandiri, 2016-cı ildə Aprel döyüşləri zamanı qəhrəmancasına şəhid olmuş Kapitan Orucov Mühüd Qurban oğlunun doğum günüdür. 

Mühüd Orucov 1984-cü il iyul ayının 13-də Qazax rayonunun Fərəhli kəndində doğulub, 2016-cı il aprelin 2-dən 3-nə keçən gecə Talış yüksəkliyi uğrunda gedən qızğın döyüşlər zamanı düşmənin atdığı tank mərmisinnin partlaması nəticəsində qəhrəmancasına şəhid olub. 

Şəhid Mühüd Orucova məxsus hərbi geyim dəsti, döyüş bıçağı, hərbi əlcəyi, fənəri, tapança qabı və fotoşəkilləri muzeyin Vətən Müharibəsi fondunda mühafizə olunur.