2020-ci ildə Milli Azərbaycan Tarixi Muzeyinin 100 illiyi münasibəti ilə muzeyin Arxeologiya, Etnoqrafiya, Sənədli Mənbələr, Silahlar və Bayraqlar, Xüsusi, Hədiyyələr və Xatirə Əşyaları fondlarının materialları əsasında  “Əlifba" kitabı hazırlanmışdır. Uşaqların, gənclərin, eləcə də yaşlıların marağına səbəb olan bu əlifba muzeyin zəngin xəzinəsinin sirli qapılarını sizlərin üzünə açır. Əlifbanı maraqlı edən cəhətlərdən biri bu kitabın məhz muzeyin kolleksiyasında qorunan artefaktlardan istifadə etməklə tərtib olunmasıdır.