Bu il məşhur pedaqoq, ədib, publisist Ömər Faiq Nemanzadənin (1872-1937) anadan olmasının 150 illiyi tamam olur. Ö.F.Nemanzadə Azərbaycan tarixində “Molla Nəsrəddin” jurnalının həmtəsisçisi, “Qeyrət” mətbəəsinin sahibi, milli ictimai fikrin görkəmli nümayəndəsi kimi tanınır.

Avqustun 29-da Ö.F.Nemanzadənin nəvəsi Fuad İsgəndər Pepinov və nəticəsi Ülviyyə Pepinova Milli Azərbaycan Tarixi Muzeyini ziyarət etmişlər. Müəssisənin rəhbərliyi ilə görüş zamanı Ö.F.Nemanzadəyə və ailəsinə, Azərbaycan təhsil tarixinə aid 30-dan artıq qiymətli fotoşəkil onun varisləri tərəfindən muzeyə hədiyyə edilmişdir. Həmin materialların kataloq şəklində çap olunmasına dair razılıq əldə olunmuşdur.