Xəzər Universitetində Filologiya üzrə fəlsəfə doktoru, Tələbə Qəbulu üzrə Dövlət Komissiyasının rəhbəri (1992–1993), Xəzər Universiteti Dillər və ədəbiyyatlar kafedrasının müdiri (2009–2010; 2012–2019) olmuş Vurğun Əyyubun yubileyi münasibəti ilə “Ədəbi həyat” kitabının təqdimat mərasimi keçirilmişdir.

Tədbirdə Vurğun Əyyubun ailə üzvləri tərəfindən ədibin şəxsi əşyaları Milli Azərbaycan Tarixi Muzeyinə hədiyyə olaraq, Fondların Uçotu və Təsnifatı şöbəsinin baş mütəxəssisi Nüşabə Əsədovaya təqdim edilmişdir. N.Əsədova çıxış edərək, materialların muzeyin aidiyyatı fondlarında qorunub saxlanacağını və gələcək nəsillər üçün tədqiqat xarakter daşıyacağını vurğulamışdır.