28 oktyabr 2022-ci il tarixində Azərbaycan Universitetində "Azərbaycan xalqının etnogenezi və milli kimlik məsələsi" mövzusunda beynəlxalq konfrans keçirilib. Konfransda muzeyin Azərbaycan tarixinin elmi tədqiqi və təqdimi şöbəsinin əməkdaşı, t.ü.f.d., dos. Əli Fərhadov "Azərbaycan" qəzetində milli kimlik və mədəniyyət əlaqəsinə dair" mövzusunda məruzə ilə çıxış edib. Məruzəçi 1945-1949-cu illərdə Təbrizdə və Bakıda nəşr olunmuş "Azərbaycan" qəzetinin materialları əsasında İran və Azərbaycan xalqlarının Pəhləvi şah rejiminə qarşı mübarizəsi, azərbaycanlıların milli-mədəni həyatı, cənublu yazarlar və yaradıcılıqları haqqında məlumat verib. Sonda verilən suallar məruzəçi tərəfindən ətraflı cavablandırılıb. Konfrans materialları nəşr edilib.