Bakı Beynəlxalq Multikulturalizm Mərkəzinin (BBMM) təşkil etdiyi seminar-mühazirədə muzeyin Azərbaycan tarixinin elmi tədqiqi və təqdimi şöbəsinin əməkdaşı, t.ü.f.d., dos. Əli Fərhadov "Qədim türk inancları və islam dini" mövzusunda mühazirə ilə çıxış edib. Ə.Fərhadov multikulturalizmin təkcə dövlət siyasəti yox, həm də Azərbaycan xalqının tarixən mövcud olmuş həyat tərzi olduğunu bildirib. Məruzəçi qədim türklərin tək tanrı inancı, islamda vəhdət və tolerantlıq, azərbaycanlı islam maarifçiləri haqqında geniş məlumat verib. 

Tədbirdə müxtəlif ali məktəblərin müəllim heyəti iştirak etmişdir. Mühazirə maraqla qarşılanıb. Verilən suallar ətraflı cavablandırılıb.