Qaradağ rayon Heydər Əliyev Mərkəzində “Şuşa İli”nə həsr olunmuş “ Əziz Şuşa, Sən Azadsan” adlı tədbir keçirilib. Tədbirdə Milli Azərbaycan Tarixi Muzeyinin İnnovasiyalar və təhsil proqramları şöbəsinin elmi işçisi Sahibə Ələkbərova çıxış edərək, Şuşanın tarixi abidələrindən, erməni vandalları tərəfindən qarət olunmuş muzeylərindən bəhs edib. O, həmçinin, muzeylərin gənc nəslin təlim-tərbiyəsindəki rolundan və təhsil müəssisələrinin muzeylərlə səmərəli əməkdaşlığından danışıb. Bu istiqamətdə Milli Azərbaycan Tarixi Muzeyində həyata keçirilən maarifləndirici tədbirlər haqqında ətraflı məlumat verib.