Muzeyin Sənədli mənbələr fondunda qorunan 1907-ci ilə aid Abşeron yarımadasının (Balaxanı, Sabunçu, Ramana, Bibiheybət) neftli torpaqlarının planı (rayonlar üzrə işçilərin sayı göstərilməklə) bərpa olunub.

Dövrünə görə yüksək keyfiyyətli kağız üzərində rəngli formatda çap olunmuş planın kağızının qat kəsən hissələri boyu sınmalar, kənarlarında çoxsaylı əziklər və qopuqlar əmələ gəlmişdir. Ayrılmış hissələr dubl edilərək, bütöv hala gətirilmişdir. Daha sonra planın haşiyəsi və əsas təsvirdə olan fraqmentləri bərpa edilmiş, eksponata ikinci həyat verilmişdir.

Eksponat muzeyin bərpaçı-rəssamı Firuzə Ağayeva tərəfindən bərpa olunub.