Milli Azərbaycan Tarixi Muzeyində “Böyük Qayıdış” Gənclər Təşkilatının təşkilatçılığı ilə “Qayıdış Könüllüləri” proqramı çərçivəsində könüllülər üçün “Qarabağ geyimləri” mövzusunda seminar təşkil olunub. Muzeyin Etnoqrafiya elmi fond şöbəsinin müdiri, t.ü.f.d., Gülzadə Abdulovanın təqdimatında keçirilən seminarda iştirak edən könüllülər Azərbaycanın geyim mədəniyyətində özünəməxsusluğu və zənginliyi ilə seçilən, xalqımızın tarixini, adət - ənənələrini özündə əks etdirən Qarabağ geyimləri haqqında ətraflı məlumat əldə ediblər.