Muzeydə "Heydər Əliyev - Azərbaycan muzeylərinin himayədarı" adlı silsilə interaktiv dərslərə start verilib. İnteraktiv dərsdə Xəzər rayonu 262 saylı tam orta məktəbin şagirdləri iştirak edib. Dərsin birinci hissəsində Heydər Əliyevin Azərbaycan muzeylərinin inkişafındakı rolu haqqında (muzeyin fond materialları əsasında) hazırlanmış fotoslaydın nümayişi ilə şagirdlərə ətraflı məlumat verilib.

Sonra uşaqlar gips fiquru üzərində simvolik suvenir rənglənməsi qaydasını öyrəniblər və müxtəlif intellektual oyunlar oynayıblar.

Sonda H.Z.Tağıyevin ev muzeyinə ekskursiya təşkil olunub.