11 may 2023-cü il tarixində Təbriz İslam İncəsənət Universitetinin təşkilatçılığı ilə Fransanın Lion şəhərində “İslam torpaqlarında sqraffito və şamplev: (IX-XIV əsrlər) Azərbaycan, İran və ətraf ərazilər” adlı beynəlxalq konfrans keçirilib. Konfransda Milli Azərbaycan Tarixi Muzeyinin Arxeologiya elmi fond şöbəsinin əməkdaşları- t.ü.f.d., dosent Həbibə Əliyeva “Sqraffito və yazı: Azərbaycanda keramika üzərində kitabələr” (onlayn, ingilis dilində), kiçik elmi işçi Aslan Qasımlı “Orta əsr Bərdə şəhərinin keramikasında sqraffito texnikası” (canlı, ingilis dilində), boyük laborant Mircavid Ağalarov “Səlcuq dövrü Azərbaycan fayansları: sqraffito və onun tətbiqi” (canlı, ingilis dilində) adlı məruzələrlə çıxış ediblər. Məruzələr iştirakçılar tərəfindən maraqla qarşılanıb.