"Almaniya Türk Muzeyi"-nin təşkilatçılığı ilə beynəlxalq konfrans keçirilib (onlayn). Konfransa Azərbaycan, Türkiyə, Rusiya, Almaniya, Qazaxıstan, Cənubi Koreyadan izləyicilər qoşulub. Milli Azərbaycan Tarixi Muzeyinin Təsviri materiallar fondunun müdiri, m.ü.f.d., dosent Nardanə Yusifova konfransda "Azərbaycan memarlıq abidələri rəsm əsərlərində (MATM materialları əsasında)" adlı məruzə ilə çıxış edib. N.Yusifova muzeyin dəyərli eksponatlarından biri olan, rəssam L.F.Knitin "Yaylağdan dönüş. Qarabağ." adlı əsəri haqqında da məlumat verib. Məruzə maraqla qarşılanıb və sonda dinləyicilər tərəfindən verilən suallar ətraflı cavablandırılıb.