AMEA Məhəmməd Füzuli adına Əlyazmalar İnstitutu tərəfindən yaradılmış  “Molla Nəsrəddin” jurnalının elektron portalında jurnalın nüsxələrinin komplektləşdirilməsi zamanı catışmayan hissələrin toplanması üçün Milli Azərbaycan Tarix Muzeyinin Kitabxanasına müraciət olunub. M.Füzuli adına Əlyazmalar İnstitutunun əməkdaşları jurnalın nüsxəsini elektron arxivdə rəqəmsal formata keçirmək məqsədi ilə muzeyin Kitabxanasının “Nadir kitablar” fondunda  qorunan, Azərbaycan milli mətbuatının dəyərli nümunələrindən olan “Molla Nəsrəddin” jurnalının 1912-ci ildə nəşr edilmiş 4 və 6-cı nömrələrinin fotolarını çəkiblər.