Milli Azərbaycan Tarixi Muzeyinin yeni dizayn və zəngin tərtibatla işlənmiş ekspozisiyasının etnoqrafiya bölməsində ziyarətçilərə müxtəlif mövzularda qurulmuş vitrinlər təqdim olunacaq.  

Ümumilikdə muzeyin zəngin etnoqrafik kolleksiyasından 600-ə yaxın eksponat nümayiş olunacaq. Qeyd edək ki, sözügedən bölmə Azərbaycan tarixinin XIX-XX əsrin əvvəllərinə aid atçılıq, misgərlik, hamam mədəniyyəti, toy mərasimi, ipəkçilik, xalçaçılıq və s. mövzularını əhatə edir. Eyni zamanda ziyarətçilər müxtəlif bölgələrimizə məxsus milli geyim nümunələri ilə də tanış olacaqlar.