XƏBƏRLƏR
17 Oktyabr, 2023
Muzeyin Elmi Şurasının növbəti iclası keçirilib
Bu gün Milli Azərbaycan Tarixi Muzeyinin Elmi Şurasının növbəti iclası keçirildi. İclası giriş sözü ilə açan muzeyin direktoru, akademik Nailə Vəlixanlı şura üzvlərini salamladıqdan sonra muzeyin elmi katibi t.ü.f.d., dosent Sevinc Nəsirova gündəlikdə olan məsələləri elmi şura üzvlərinin nəzərinə çatdırdı.
Sonra muzeyin Eksponatların qorunması və qeydiyyatı üzrə direktor müavini- baş mühafiz, t.ü.f.d., dosent Məhfuzə Zeynalovanın, Beynəlxalq əlaqələr və ictimaiyyətlə iş şöbəsinin müdiri Zümrüd İsmayılovanın Moskva şəhərində keçirilmiş “Hacı Zeynalabdin Tağıyev-sənayeçi və mesenat. Şəxsiyyətin rolu” adlı beynəlxalq fotosərgi ilə əlaqədar ezamiyyətləri haqqında hesabatı dinlənildi (fotoslayd müşayiətilə). Şura üzvləri tərəfindən gələcəkdə bu kimi beynəlxalq səyyar sərgilərin keçirilməsi istiqamətində təkliflər bildirildi.
Həmçinin, iclasda qeyd olundu ki, hər il olduğu kimi muzeyin kolleksiyası əsasında müxtəlif mövzularda monoqrafiyalar və kataloqlar üzərində tədqiqatlar aparılır. Gündəlikdəki digər məsələ t.ü.f.d. Günay Çapay qızı Həsənovanın “Azərbaycan xalqının ənənəvi məişət mədəniyyəti (Milli Azərbaycan Tarixi Muzeyinin materialları əsasında)” adlı monoqrafiyasının çapa məsləhət görülməsi idi. Monoqrafiya elmi aktuallıq kəsb etdiyi üçün Şura üzvləri tərəfindən nəşr olunması qərarı qəbul olundu.
Daha sonra Milli Azərbaycan Tarixi Muzeyinin 2023-cü il üçün iş planında 2-ci yarımillik üzrə verilmiş tapşırıqların icra səviyyəsi barədə müzakirələr aparıldı.
Muzeyin elmi işlər üzrə direktor müavini, tarix elmləri doktoru Fərhad Cabbarov muzeyin gördüyü işlərin hesabatlarının və planlarının hazırlanması barədə şura üzvlərinə təkliflərini bildirdi. İllik hesabatların hazırlanması ilə əlaqədar məsələlər müzakirə olundu və hesabatların hazırlanıb təqdim edilməsi haqqında qərar qəbul edildi.
İclas zamanı F.Cabbarov məlumat verdi ki, muzey kollektivinin hazırda əsas fəaliyyəti yeni elmi ekspozisiyanın qurulmasına yönəlmişdir. Hal-hazırda ekspozisiyanın bütün zallarında eksponatların müvafiq vitrinlərdə yerləşdirilməsi başa çatıb, etiketajların hazırlanması və son tamamlanma işləri aparılır. Akademik Nailə Vəlixanlı təqdim edilən mövzularla bağlı tövsiyələrini diqqətə çatdırdıqdan sonra H.Z.Tağıyevin ev-muzeyinin ekspozisiyasının təkmilləşdirilməsi ilə bağlı təkliflərini verdi.
Həmçinin, N.Vəlixanlı qeyd etdi ki, muzeyin əməkdaşları tərəfindən elmi işlərin yazılmasına, kataloqların hazırlanmasına və muzeyin beynəlxalq əlaqələr istiqamətində geniş miqyaslı layihələrin həyata keçirilməsinə diqqət daha da artırılmalıdır.
Yekun olaraq Elmi Şuranın iclası cari məsələlərin həlli istiqamətində müvafiq qərarların qəbul olunması ilə başa çatdı.
Muzeyin yeni ekspozisiyasında Ümummilli lider Heydər Əliyevə həsr olunmuş eksponatlar nümayiş olunur
Azərbaycanın siyasi və dövlət xadimi, Azərbaycan Kommunist Partiyası Mərkəzi Komitəsinin birinci katibi (1969-1982), Azərbaycan Respublikasının üçüncü...
Muzeydə Ümummilli lider Heydər Əliyevin anadan olmasının 101-ci ildönümünə həsr olunmuş tədbir keçirilib
Milli Azərbaycan Tarixi Muzeyində Ümummilli lider Heydər Əliyevin anadan olmasının 101-ci ildönümünə həsr olunmuş “Azərbaycan mədəniyyətində Heydər Əl...
Muzeyin yeni ekspozisiyasında İkinci Dünya Müharibəsi dövrünü əks etdirən eksponatlar nümayiş olunur
Bəşəriyyət üçün dəhşətli, faciəli fəlakətlər dövrü kimi yadda qalan İkinci Dünya müharibəsində Azərbaycan xalqı həm ön, həm də arxa cəbhədə böyük qəhr...
Azərbaycanın Milli Qəhrəmanı şəhid İlqar Mirzəyevin doğum günüdür
Bu gün Azərbaycanın Milli Qəhrəmanı, Azərbaycan Silahlı Qüvvələrinin polkovniki, 3-cü Ordu Korpusunun Artilleriya rəisi (2019–2020) İlqar Mirzəyevin d...
Muzeydə Azərbaycanın mədəniyyət və incəsənət xadimlərinə “Heydər Əliyevin 100 illiyi (1923–2023)” yubiley medalının təqdim edilməsi mərasimi keçirilib
Milli Azərbaycan Tarixi Muzeyində mədəniyyət və incəsənət xadimlərinə “Heydər Əliyevin 100 illiyi (1923–2023)” yubiley medalının təqdimetmə mərasimi k...
Muzeyin rəhbərliyi ADA Universitetinin tədbirində iştirak edib
Mayın 4-də ADA Universiteti tərəfindən “Hacı Zeynalabdin Tağıyev mükafatı”nın təqdimat mərasimi keçirilib. Mərasim Hacı Zeynalabdin Tağıyevin ...
Muzeyə Vətən Müharibəsinin şəhidi mayor Vüsal Vəliyevə həsr olunmuş kitab hədiyyə edilib
Vətən Müharibəsinin şəhidi mayor Vüsal Vəliyevə həsr olunmuş “Qisas – 44” (Bakı: “Savad”, 2022, 220 s., tərt. ed. Əpoş Vəliyev) adlı kitab şəhidin qar...
Muzeyin yeni ekspozisiyasını Qərbi Kaspi Universitetinin tələbələri ziyarət edib
Milli Azərbaycan Tarixi Muzeyinin Numizmatika fondunun böyük elmi işçisi, Qərbi Kaspi Universitetinin müəllimi, t.ü.f.d. Aygün Məmmədova universitetin...