Azərbaycan Silahlı Qüvvələrinin giziri Elyar Vəliyev 1991-ci il oktyabrın 17-də Qobustan rayonunun Sədəfli kəndində anadan olub. Elyar Vəliyev Qobustan şəhər 2 nömrəli tam orta məktəbdə təhsil alıb. Sonra hərbi xidmətə yollanıb və 2010-cu ildə Xüsusi Təyinatlı Qüvvələrin tərkibinə daxil olub. Elyar Vəliyev 2020-ci il senytabrın 27-də Ermənistan işğalı altında olan ərazilərimizin azad edilməsi və Azərbaycanın ərazi bütövlüyünün bərpa olunması üçün başlanan Vətən Müharibəsi zamanı Füzulinin, Cəbrayılın və Qubadlının azadlığı uğrunda gedən döyüşlərdə iştirak edib və 19 oktyabrda Qubadlıda qəhrəmancasına şəhid olub.

Azərbaycan Respublikasının Prezidenti İlham Əliyevin 09.12.2020-ci il tarixli Sərəncamına əsasən Elyar Vəliyevə ölümündən sonra Vətən Müharibəsi Qəhrəmanı adı verilib.

Qeyd edək ki, Milli Azərbaycan Tarixi Muzeyinin Vətən müharibəsi fondunda şəhid Elyar Vəliyevə məxsus şəxsi əşyalar (hərbi gödəkçə, şalvar, baş geyimi, 6 ədəd medalının surəti, sertifikat (3 ədəd), Fəxri fərman və idmanda uğurlarına görə diplom) qorunur.

Təltifləri

(26.06.2013) — "Azərbaycan Silahlı Qüvvələrinin 95 illiyi" yubiley medalı

(26.06.2018) — "Azərbaycan Ordusunun 100 illiyi" yubiley medalı
 (26.06.2020) — "Qüsursuz xidmətə görə" 3-cü dərəcəli medalı
(09.12.2020) — "Vətən Müharibəsi Qəhrəmanı" medalı (ölümündən sonra)
 (15.12.2020) — "Vətən uğrunda" medalı (ölümündən sonra)
 (24.12.2020) — "Cəbrayılın azad olunmasına görə" medalı (ölümündən sonra)
 (24.06.2021) — "Füzulinin azad olunmasına görə" medalı (ölümündən sonra)
(24.06.2021) — "Xocavəndin azad olunmasına görə" medalı (ölümündən sonra)