Bildiyimiz kimi Azərbaycan Respublikasnın Prezidenti Ali Baş Komandan cənab İlham Əliyev Xocavənd rayonunda yerləşən Azıx mağarasına səfəri zamanı Azərbaycan və xarici alimlərin birgə tədqiqat aparmaları barədə tövsiyələr vermişdir. Bu məqsədlə 2023-cü ildən başlayaraq, müştərək elmi tədqiqat layihəsinə start verilib. Qarabağın paleolit dövrü abidələrinin tədqiqi üçün dəvət olunan xarici alimlər- Danimarkanın Orxus Universitetinin mütəxəssisləri Milli Azərbaycan Tarixi Muzeyində olublar. Alimlər muzeydə qorunan, Azıx mağarasından tapılmış paleoantropoloji tapıntının, azıxantropun alt çənəsinin DNT təhlili üçün nümunələr götürmüşlər. Məqsəd azıxantropun yaşını, cinsini, qida rasionunu, dövrünü və digər paleoantropoloji tapıntılar arasındakı yerini müəyyənləşdirməkdir.