XƏBƏRLƏR
28 Noyabr, 2023
Vətən Müharibəsinin qazisi Radif Mustafayevin şəxsi əşyaları muzeyə təqdim olunub
Vətən Müharibəsinin qazisi Radif Mustafayevin şəxsi əşyaları Milli Azərbaycan Tarixi Muzeyinə təqdim olunub. Radif Heybət oğlu Mustafayev 23 aprel 1978-ci ildə Lənkəran rayonu Kənarmeşə kəndində anadan olub və Kənarmeşə kənd orta məktəbində təhsil alıb. Radif Mustafayev 1995-1999-cu illərdə Bakı Dövlət Universitetinin (BDU) Sosial elmlər və psixologiya fakültəsində Fəlsəfə ixtisası üzrə bakalavr pilləsində təhsil almış, daha sonra 1999-2001-ci illərdə BDU-nun Sosial elmlər və psixologiya fakültəsində Sosial fəlsəfə ixtisası üzrə magistr təhsilini fərqlənmə diplomu ilə bitirmişdir.
Radif Mustafayev 2006-2007-ci illərdə leytenant rütbəsi ilə motoatıcı taqım komandiri olaraq, cəbhə bölgəsində həqiqi hərbi xidmət keçmiş və baş leytenant hərbi rütbəsində ehtiyata buraxılmışdır.
Radif Mustafayev 2008-ci ildə elmi fəaliyyətinə davam etmiş, namizədlik dissertasiyasını müdafiə edərək, fəlsəfə üzrə fəlsəfə doktoru alimlik dərəcəsinə, 2018-ci ildə dosent elmi adına layiq görülmüşdür.
Radif Mustafayev 2020-ci ildə Vətən Müharibəsində iştirak etmiş və Cəbrayıl, Füzuli, Laçın rayonlarının azad olunmasına görə medallara layiq görülmüşdür. Bir sıra yerli və xarici əsərlərin müəllifi olan Radif Mustafayev hazırda AMEA Fəlsəfə və Sosiologiya İnstitutunun “İslam fəlsəfəsi” şöbəsinin aparıcı elmi işçisidir.
Qeyd edək ki, Radif Mustafayevin şəxsi əşyaları (isimlik, hərbi səhra fincanı, fotolar, tərcümeyi-hal, qızına yazdığı məktub və s.) muzeyin əməkdaşı, t.ü.f.d. Aygün Məmmədovanın vasitəsilə Vətən müharibəsi fonduna təhvil verilib.
2 iyul – Azərbaycanda Polisi Günü qeyd olunur
Bu gün Azərbaycanda Polisi Günü qeyd olunur. Xalqın təhlükəsizliyinin təmin edilməsində, ictimai asayişin qorunmasında, cinayətkarlığa qarşı mübarizəd...
Bu gün Vətən müharibəsi şəhidi Toğrul Bərxudarovun doğum günüdür
Toğrul Məmməd oğlu Bərxudarov 1987-ci il iyunun 30-da Gəncə şəhərində anadan olub. 2020-ci ilin sentyabrın 27-də Azərbaycan Respublikasının ərazi bü...
YAP Binəqədi Rayon Təşkilatı tərəfindən muzeyə təşəkkürnamə təqdim edilib
Yeni Azərbaycan Partiyası Binəqədi Rayon Təşkilatı tərəfindən gənclərin asudə vaxtlarının səmərəli keçirmələri məqsədilə təşkil olunmuş Yay məktəbi la...
Bu gün Vətən Müharibəsi şəhidi İlkin Əhədzadənin doğum günüdür
İlkin Əhədzadə Qələmşah oğlu 1985-ci il iyunun 26-da Bakı şəhərində anadan olub. 2020-ci ilin sentyabrın 27-də Azərbaycan Respublikasının ərazi bütövl...
Muzeyin əməkdaşı İctimai Radioda çıxış edib
26 iyun-Azərbaycan Respublikasının Silahlı Qüvvələri Günü münasibətilə Milli Azərbaycan Tarixi Muzeyinin Vətən Müharibəsi fondunun müdiri Şəfa Mövsümo...
26 iyun Azərbaycan Silahlı Qüvvələri Günüdür
1918-ci il 26 iyun tarixində Azərbaycan Xalq Cümhuriyyəti hökuməti ilk hərbi korpusun (diviziya statusunda) yaradılması barədə qərar qəbul etmiş, Azər...
Muzeyin direktoru və direktor müavini Monqolustanda keçirilən Avrasiya muzeylərinin I Beynəlxalq Forumunda iştirak ediblər
Milli Azərbaycan Tarixi Muzeyinin direktoru, akademik Nailə Vəlixanlı və muzey eksponatlarının qorunması və qeydiyyatı üzrə direktor müavini - baş müh...
Muzeyin bərpaçı-rəssamının əsərləri sərgidə nümayiş olunub
Milli Azərbaycan Tarixi Muzeyinin bərpaçı-rəssamı Rəvanə Abbassoy Azərbaycan Respublikasındakı Yunus Emre İnstitutunun təşkil etdiyi təzhib və miniatü...