Azərbaycan SSR Nazirlər Sovetinin sədri (1990–1992), Azərbaycan Respublikasının Xarici İşlər Naziri (1993–1998), Azərbaycan Respublikasının Macarıstanda fövqəladə və səlahiyyətli səfiri (2004-2010), Azərbaycan Respublikasının Polşada fövqəladə və səlahiyyətli səfiri (2010–2021) olmuş, Azərbaycan Respublikasının siyasi və dövlət xadimi, diplomat, alim, tarix elmləri doktoru Həsən Həsənov Milli Azərbaycan Tarixi Muzeyini ziyarət edib. Muzeyin direktoru, akademik Nailə Vəlixanlı ictimai xadim Həsən Həsənovu yeni qurulan ekspozisiya ilə tanış edib, eyni zamanda nümayiş olunan eksponatların tarixi əhəmiyyəti və yeni ekspozisiyanın yaxın müddətdə açılışı barədə ətraflı məlumat verib.