Bu gün, 12 dekabr Azərbaycanın görkəmli dövlət xadimi Heydər Əliyevin vəfatından 20 il ötür. Tarixə öz adını əbədi həkk etmiş nadir şəxsiyyət, dünyaşöhrətli siyasətçi Heydər Əlirza oğlu Əliyevin həyat və fəaliyyəti hər zaman Azərbaycan xalqının qürur mənbəyi olmuşdur. Müstəqil Azərbaycan dövlətinin memarı və qurucusu Heydər Əliyev Azərbaycana rəhbərlik etdiyi dövrlərdə daima xalqımızın milli-mənəvi dəyərlərinin qorunması, milli mədəniyyətimizin inkişafı, xalqın adət-ənənələrinin zənginləşdirilməsi istiqamətində çox çalışmışdır. Ümumilli liderin bənzərsiz ömür yolu, ictimai-siyasi fəaliyyəti müasir tariximizin mühüm və şərəfli mərhələsini təşkil edir.