Dekabrın 27-də Bakı Kitab Mərkəzində «Heydər Əliyev. 100 faktın tarixi» kitabının təqdimat mərasimi keçirilib. «Heydər Əliyev İli» çərçivəsində hazırlanan kitab ümummilli liderin dövlətçilik fəaliyyətinin 100 ən əlamətdar faktı əsasında tərtib olunmuşdur. Orijinal struktura və məzmuna malik olan yeni nəşrin ideya müəllifləri Azərbaycan Respublikası Milli Məclisinin deputatları Elnur Allahverdiyev və Soltan Məmmədovdur.

Qeyd edək ki, «Heydər Əliyev. 100 faktın tarixi» kitabı Milli Azərbaycan Tarixi Muzeyinin Elmi Şurasının qərarı ilə nəşr edilmiş, muzeyin elmi işlər üzrə direktor müavini, tarix elmləri doktoru Fərhad Cabbarov isə kitabın redaksiya heyətinin üzvü olmuşdur.