Muzeyin İnnovasiyalar və təhsil proqramları şöbəsinin əməkdaşı Qənirə Qafarlı Kaspi İnternational School-da şagirdlərə "Milli Azərbaycan Tarixi Muzeyinin eksponatlarında milli-mənəvi dəyərlərimizin əksi" mövzusunda mühazirə deyib. Q.Qafarlı gənc nəslə milli irsimizin təbliği mövzusunda olan mühazirəsində şagirdlərə muzeyin və yerləşdiyi əhəmiyyətli binanın tarixi, eyni zamanda muzeyin fondlarında qorunan nadir eksponatlar haqqında fotoslaydın müşayiəti ilə məlumat verib. Mühazirə şagirdlər tərəfindən maraqla qarşılanıb, verilən suallar ətraflı cavablandırılıb.

Sonda uşaqlarla müxtəlif interaktiv oyunlar təşkil edilib.