Bu ilin fevralın 20-dən başlayaraq Milli Azərbaycan Tarixi Muzeyinin Arxeologiya fondunda Vürzburq Universitetinin professoru Dr. Martin Gruberin rəhbərliyi altında alman mütəxəssislərinin iştirakı ilə elmi-tədqiqat layihəsi çərçivəsində tədqiqat işləri həyata keçirilib. Gerda Henkel Stiftung tərəfindən maliyyələşdirilən, həmçinin 2022 və 2023-cü illərdə də aparılmış bu tədqiqatlarda professorun tələbələri Lukas Karbax və Sena Baskın da yaxından iştirak ediblər. Tədqiqatın məqsədi Xocalı-Gədəbəy arxeoloji mədəniyyətinə aid Mingəçevir tapıntılarını yenidən araşdırmaq, tipoloji və xronoloji kateqoriyalar üzrə qruplaşdırmaqdır. Alman mütəxəssislər əvvəlki illərdə olduğu kimi Mingəçevir tapıntılarının qrafik rəsmini və fotoşəkillərini çəkməklə, onlara aid zəruri məlumatları qeydə alıblar. 2024-cü ildə başlanılmış araşdırmalar martın 19-da yekunlaşıb. Layihə öz işini növbəti illərdə də davam etdirəcək.

Yekunda bu tədqiqatdan əldə olunmuş nəticələr kitab şəklində nəşr olunacaq.