Milli Azərbaycan Tarixi Muzeyində Quba şəhəri “Soyqırımı Memorial Kompleksi”nin təşkilatçılığı ilə 31 mart azərbaycanlıların soyqırımının 106-cı ildönümünə həsr olunmuş “1918-ci il soyqırımı hadisələri Belarus əsilli fotoqraf Lev Doşkeviçin gözü ilə” adlı sərgi keçirilir.

Sərgidə Azərbaycan Cümhuriyyəti dövründə soyqırımı faktlarının araşdırılması məqsədi ilə yaradılmış fövqəladə istintaq komissiyasının tərkibində fotoqraf, ekspert kimi fəaliyyət göstərən Belarus əsilli Lev Doşkeviç tərəfindən çəkilmiş fotolar və 1918-ci ildə Azərbaycan torpaqlarında baş vermiş soyqırımlarını əks etdirən albom, kitab və bukletlər nümayiş olunur.

Qeyd edək ki, sərgi 30 mart 2024-cü il tarixinədək davam edəcək.