Azərbaycan Respublikasının Prezidenti İlham Əliyevin 25 yanvar 2024-cü il tarixində dahi Azərbaycan şairi və mütəfəkkiri Məhəmməd Füzulinin anadan olmasının 530 illiyinin qeyd olunması haqqında Sərəncamına əsasən AMEA Folklor İnstitutunun təşkilatçılığı ilə “Füzuli və Şərq folkloru” adlı Respublika Konfransı keçirilib. Konfransda Milli Azərbaycan Tarixi Muzeyinin Numizmatika fondunun böyük elmi işçisi, t.ü.f.d Aygün Məmmədova “Məhəmməd Füzuliyə həsr edilmiş faleristik və numizmatik materiallar” mövzusunda məruzə edib (həmmüəllif: t.ü.f.d., dosent Qasımova Sənubər ). Məruzədə Milli Azərbaycan Tarixi Muzeyinin fondlarında qorunan məşhur mütəfəkkirin xatirəsinə həsr edilmiş stolüstü medal və sikkələr (qızıl və gümüş) haqqında ətraflı məlumat verib və bu sahə ilə əlaqədar problemlər vurğulanıb.
Məruzələrin çap edilməsi nəzərdə tutulub.